നമ്മേ കാത്തുനിൽക്കുന്നു

*നമ്മേ കാത്തുനിൽക്കുന്നു*

യാ ഫുലാൻ,.

ഇന്നീ ഞെരിഞ്ഞമർന്ന

കരിയിലകൾക്ക് മീതെ 

ഒരു ചെറു നാമ്പ് 

മുളപ്പൊട്ടിയിരിക്കുന്നു..

മഴമറന്നു വരണ്ടുണങ്ങിയ

ഈ തടാകത്തിൻ 

ഗർത്തങ്ങൾക്കു മീതെ 

ഒരു കാർമേഘം പെയ്യാൻ

വിതുമ്പി നിൽക്കുന്നു..

കരയകന്നു പിന്നോട്ടകന്ന

അലകളിന്നിതാ 

കരയിൽ ആഴ്ന്നിറങ്ങിയ

കൽ ഭിത്തികളിൽ 

ചിതറിത്തെറിക്കുന്നു..

ദേശാടനപ്പക്ഷികളും,

നീല ശലഭങ്ങളും,

കരിവണ്ടുകളും.

കാലം തെറ്റി തളിർത്തു തുടങ്ങിയ

ആ ചെറു വസന്ത കാലാത്തെ 

വരവേൽക്കാൻ ഒരുങ്ങി നിൽക്കുന്നു..

സഖേ,..

ഒരിക്കൽ കൂടി 

നീ ഇതുവഴി വരൂ..

ഇരുൾ പടർന്നു പന്തലിച്ച

ആ ചെറു വീഥിയിൽ 

ആരോ നമുക്കായ് 

ചെറു തിരിനാളം തെളിച്ചിരിക്കുന്നു..

അകലെ മതിലുകൾക്കപ്പുറം

വസന്തകാലം 

നമ്മേകാത്തു നിൽക്കുന്നു...

      അകൽമഷ