മാലി

*മാളി*

പ്രിയപ്പെട്ട മാളി,..

ബർലിൻ താഴ്വരയിൽ ഇന്നിതാ 

നാം നട്ട പനിനീർ ചെടികൾ 

മണൽ തരികളെ ചുവപ്പിച്ചു

ഭ്രാന്തമായി പൂത്തിരിക്കുന്നു..

ഇളം കാറ്റിൽ ജലപ്രവാഹം പോലെ

നൃത്തമാടുന്ന അവയുടെ പ്രണയമാസ്മരികതയിൽ മതി മറന്നു 

ബർലിനിന്നെ പ്രണയ കവികൾ

നമുക്കായി പ്രണയ കാവ്യം രചിക്കുന്നു..

അവർ നമ്മുടെ പ്രണയത്തെ കുറിച്ച് 

മതിമറന്നു വാചാലരാവുന്നു..

മാളി,..

നമ്മേ കുറിച്ച് പ്രണയ കവികൾ 

രചിച്ച ആ പ്രണയ കാവ്യം 

ഇന്നീ ദേശാടന പക്ഷികൾ 

സമുദ്രങ്ങൾ താണ്ടി 

എൻ്റെ കാതുകളിലേക്ക് എത്തിച്ചിരിക്കുന്നു..

അവർ നമ്മുടെ പ്രണയത്തിൽ

മതിമറന്നു ആ കവിത 

തിരകളോട് അവർ ആലപിക്കുന്നു..

അലകൾ സമുദ്രത്തിലേക്ക് നമടങ്ങാതെ

ഈ വഴി വക്കിൽ ഇന്നിതാ 

തളം കെട്ടി കിടക്കുന്നു...

പ്രിയപ്പെട്ടവളേ,...

പ്രണയ കവികൾ പറഞ്ഞത് 

നിന്റെ ഹൃദയത്തെ കുറിച്ചായിരുന്നു..

അതിൽ നീ ഒരിക്കലും വറ്റാതെ സൂക്ഷിച്ച

എന്നോടുള്ള പ്രണയത്തെ കുറിച്ചായിരുന്നു..

മാളീ,.

ഈ ദേശാടനപ്പക്ഷികൾ 

സമുദ്രത്തിനാഴങ്ങളോട് ചോദിക്കുന്നത് 

നീ കേൾക്കുന്നില്ലേ..?

മുൻ പരിചയമില്ലാത്ത നമ്മെ

ഇത്ര തീവ്രമാവിധം

ചേർത്തുവച്ചതാരാവുമെന്ന്..

      അകൽമഷ