പൂക്കൾ
പ്രിയപ്പെട്ടവളേ,
കാത്തിരിപ്പിന് ഇന്നിതാ
വിരാമം വീണിരിക്കുന്നു.
നിൻ്റെ പ്രവചനം പോൽ
മഴ മറന്നു വരണ്ടുണങ്ങിയ
മണൽത്തരികളിൽ ഇന്നിതാ
വർണ്ണ ശലഭങ്ങൾ അണഞ്ഞിരിക്കുന്നു.
വിള്ളലുകൾ ക്കിടയിൽ
ചലനമറ്റു കിടക്കുന്ന
എൻ്റെ ഹൃദയ ധമനികൾക്കുള്ളിലൂടെ
രക്ത പുഷ്പങ്ങൾ തളിർത്തു
പന്തലിച്ചു നിൽക്കുന്നു.
അവ കൊടും വേനലിലും
ഭ്രാന്തമായി തന്നെ പൂക്കുന്നു.
കാലം തെറ്റി പൂത്ത
പുക്കളെ കണ്ട്
മൊഴി മറന്നു ശലഭങ്ങൾ
പൂക്കളെ തുറിച്ചു നോക്കുന്നു.
അവർക്കെങ്ങനെ പൂക്കാതിരിക്കാനാവും
ശലഭങ്ങൾക്ക് ഇന്നുമറിയില്ലല്ലോ..!!
നിൻ്റെ അഭാവത്തിൽ
എന്നിൽ നിന്ന് പിറവി കൊള്ളാൻ മടിച്ച
പ്രണയമാണ് ഇന്നു
പൂക്കളായി പരിണമിച്ചതെന്ന്..
അകൽമഷ
No comments:
Post a Comment