ഗാസ

ഗാസ

ഇന്നീ പുലരിയിൽ

വരണ്ട അധരങ്ങളും

ചുങ്ങിചുളിഞ്ഞൊട്ടിയ വയറുമായി 

പൊഴിഞ്ഞവീണ ഉടലുകളെ 

നിങ്ങൾക്ക് നേരുന്നിതാ ഒരു നിത്യശാന്തി...

ഒലിവ് മരങ്ങൾതൻ

ചില്ലകളെ ചുവപ്പിച്ച ചലനമറ്റ മേനികളെ,..

ഇനിയും നിറവേറ്റാൻ കഴിയാത്ത 

ആഗ്രഹങ്ങളാണേ,

മൈലാഞ്ചി ഇലകളിൽ 

പടർന്നു കയറി അവയെ

ചുവപ്പിച്ചത്..?

ഹോ,

കവികളുടെ വിലാപമേ,..

ആഗ്രഹങ്ങൾ നിറവേറ്റാൻ കഴിയാതെ മരിച്ചവരാണെത്ര ദുരാത്മാക്കളായി പുനർജനികാറ്..

എങ്കിൽ,..

ഏറ്റവും വലിയ ശ്മശാനം അതിന്ന് ഗാസയാണ്..

ഏറ്റവും അധികം ദുരാത്മാക്കളുറങ്ങുന്നതും ആ മണ്ണിനടിയിലാണ്..🌺🖤

    അകൽമഷ

അടുക്കള

അടുക്കള

അടുക്കളയിന്ന് മൗനത്തിലാണ്,.

കലപില കൂട്ടിയ  ലോഹപാത്രങ്ങളും,

സ്ഫടിക കപ്പുകളും, 

എല്ലാമിന്ന് 

മൗനവ്രതത്തിലാണ്. 

ഉമ്മറത്തെ തുളസിത്തണ്ടും 

തെക്കിലെ മാവും.

ഉമ്മറം ചുവപ്പിച്ചു പുഞ്ചിരിച്ച പനിനീർ പൂക്കളൂം

എല്ലാവരുമിന്ന് ജല പാനിയം തൊടാതെ വൃതത്തിലാണ്.

അടുക്കളക്ക് പിന്നാമ്പുറത്ത് 

കിങ്ങിണി പൂച്ചയും, 

കാരണവർ കാക്കോത്തിയും,

കാലം തെറ്റി തിളങ്ങി നിൽക്കുന്ന

ചുമര് ബൾബും

പ്രിയപ്പെട്ട ആരുടേയോ ആഗമനത്തിനായി 

കാതോർത്ത് നിൽപ്പാണ്..

പാദങ്ങളുടെ 

ചൂടേൽക്കാതെ 

വള്ളിച്ചെരുപ്പ് 

പൊളിഞ്ഞുവീഴുന്ന മുത്തശ്ശിമാവിലെ ഇലകളെ 

പെറുക്കിയെടുക്കാൻ ആളില്ലാത്തതിനെ  കൗതുകപൂർവ്വം നോക്കുകയാണ്..

വീട്ടിൽ പടർന്ന കർപ്പൂരത്തിന്റെ 

ഗന്ധത്തിൽ 

എല്ലാം മനസ്സിലായി 

എന്ന മട്ടിൽ മുത്തശ്ശിമാവ് തലയും താഴ്ത്തി 

ഇരുപ്പാണ്..

അവൾ നിശ്ചലമായതിൽ പിന്നെ 

എല്ലാമിന്ന് ദീർഘമൗനത്തിലാണ്..

    അകൽമഷ

ഗാസ

ഗാസ

ഇന്നീ പുലരിയിൽ

വരണ്ട അധരങ്ങളും

ചുങ്ങിചുളിഞ്ഞൊട്ടിയ വയറുമായി 

പൊഴിഞ്ഞവീണ ഉടലുകളെ 

നിങ്ങൾക്ക് നേരുന്നിതാ ഒരു നിത്യശാന്തി...

ഒലിവ് മരങ്ങൾതൻ

ചില്ലകളെ ചുവപ്പിച്ച ചലനമറ്റ മേനികളെ,..

ഇനിയും നിറവേറ്റാൻ കഴിയാത്ത 

ആഗ്രഹങ്ങളാണേ,

മൈലാഞ്ചി ഇലകളിൽ 

പടർന്നു കയറി അവയെ

ചുവപ്പിച്ചത്..?

ഹോ,

കവികളുടെ വിലാപമേ,..

ആഗ്രഹങ്ങൾ നിറവേറ്റാൻ കഴിയാതെ മരിച്ചവരാണെത്ര ദുരാത്മാക്കളായി പുനർജനികാറ്..

എങ്കിൽ,..

ഏറ്റവും വലിയ ശ്മശാനം അതിന്ന് ഗാസയാണ്..

ഏറ്റവും അധികം ദുരാത്മാക്കളുറങ്ങുന്നതും ആ മണ്ണിനടിയിലാണ്..🌺🖤

    അകൽമഷ