ചില ഓർമ്മകൾ

ചിലയോർമ്മകൾക്കെല്ലാം

വിരഹ പട്ടടയിൽ ചാരമായ 

പ്രണയ പുഷ്പ്പങ്ങൾ തൻ ഗന്ധമാണ്..

അവയിൽ പലതും

ഉള്ളിലെവിടെയോ

കോടമഞ്ഞുയർത്തിയ

ശീതകാലത്തിൻ ശേഷിപ്പുകളാണ്,..

അന്നു പുഞ്ചിരിച്ച പ്രിയപ്പെട്ട

പല മുഖങ്ങൾ,

മിഴി തുറപ്പിച്ച മൊഴിയസ്ത്രങ്ങൾ,

കൂടെ നടന്ന പ്രിയപ്പെട്ടവരുടെ 

കാലൊച്ചകൾ,

കളി പറഞ്ഞവർ,

കരളും തുരന്നു പോയവർ.

അന്നസ്വദിച്ചവയ്ക്കും 

തള്ളി പറഞ്ഞു പോയവർക്കും,

എല്ലാത്തിനുമിന്ന് ഒരു മുഖമാണ്..

ഇന്നലെകളിലേക്ക് തിരിഞ്ഞു 

നോക്കുമ്പോൾ

മിഴികൾക്ക് മീതെ കെട്ടിനിന്ന്

കവിൾ തടങ്ങളിലൂടെ

ചാലിട്ടൊഴുകുന്ന 

കരിമേഘത്തിൻ നിറവും,

പൊടി മണ്ണിൻ ഗന്ധവുമാണ്...

     അകൽമഷ