ഹേമന്തങ്ങൾ

ഹേമന്തങ്ങൾ

ഹേമന്തങ്ങളേ,

കാലം കട്ടെടുത്തൊരെൻ

നിനവുകളും ചുമന്ന് ഇതു വഴി വരൂ,..

അലമുറയിൽ കരയുന്ന 

എൻ ഹൃദയാലകളുടെ

വിലാപത്തിന് കൂട്ടിരിക്കൂ,..

ഹേമന്തങ്ങളേ,

നിനവുകളുടെ സാന്നിധ്യത്തിലും

അന്ധകാരം പടർന്ന ഹൃദയത്തിലും

തിരകളങ്ങനെ തിളങ്ങുകയാണ്..

ഓർമ്മപ്പെടുത്തലിൻ്റെ പ്രഭയിൽ

ഭൂതകാല പ്രണയം മിഴികളിലേക്ക് 

പടർന്നു കയറുകയാണ്.

ഈ നിശയും നിലാവും..

കരയും അലയും..

മൊഴിയും മൗനവും..

പ്രണയമില്ലെങ്കിൽ ഇവയെല്ലാം

ജീവനുള്ള വെറും

ജഡങ്ങൾ മാത്രമാണ്..

ഹേമന്തങ്ങളേ, 

വരൂ,..

ഈ തിരകളുടെ

വിരഹ വിലാപത്തിന് കൂട്ടിരിക്കൂ,..

ഇരുൾ മൂടിയ ഈ നിശയിൽ

എന്നുള്ളിൽ പ്രണയം നിറയ്ക്കൂ,..

ഹേമന്തങ്ങളേ,

നിങ്ങളിതു വഴി വരൂ,..

      അകൽമഷ