നീ

നീ

ഒരു കവിത എഴുതണമെനിക്ക് 

വൃത്തമില്ലാതെ..

പ്രാസമില്ലാതെ..

ആരും കേൾക്കാത്ത 

പുതു വാക്കുകളാൽ കോർത്തിണക്കിയ

നീയെന്ന

ഒരു കവിത എഴുതണമെനിക്ക്.

അതിൽ ഞാനാരോടും പറയാതെ 

എൻ്റെ ഹൃദയ കോവിലിൽ

മറച്ചു വെച്ച നീയെന്ന പ്രതിഷ്ഠ

താളുകളിൽ തകർത്തെറിയണമെനിക്ക്..

തകർന്നുവീണ നിന്നിൽ ജനിച്ച

അക്ഷരങ്ങളാൽ 

ചിതലരിച്ചു പ്രണയം മരിച്ച, 

വിരഹ ചങ്ങലയിൽ നീ തളച്ചിട്ട,

നമ്മളെന്ന വാക്കിൽ നിന്ന് 

ഞാനെന്ന വാക്കിനെ 

സ്വതന്ത്രനാക്കണമെനിക്ക്..

ഒരു കവിത എഴുതണമെനിക്ക്..

നമ്മിൽ ഉടലെടുത്ത പ്രണയത്തെ

കാർന്നു തിന്ന് 

വിരഹ ചങ്ങലയിൽ എന്നെ 

ബന്ദിയാക്കിയ  നിന്നെ കുറിച്ച്

നീ എന്ന വാക്കിൽ 

ഒരു കവിത എഴുതണമെനിക്ക്

       അകൽമഷ