മുത്തുകൾ നാം..

പ്രിയപ്പെട്ടവളേ,...

നീല സമുദ്രത്തിനുള്ളിൽ 

ജഡക്കുത്തിയുലഞ്ഞാടുന്ന

പവിഴപ്പൊറ്റുകൾക്കിടയിൽ 

കാലം ഭദ്രമായി മറച്ചുവെച്ച

ഇരു മുത്തുകളാണു നാം...

നമുക്ക് ചുറ്റം

ആർത്തിരമ്പി ഒഴുകുന്ന

ഉപ്പിലലിഞ്ഞ ജല പ്രവാഹമുണ്ട്.

അവയേ ചവർപ്പില്ലാത്ത മട്ടം

ഭക്ഷിക്കുന്ന മത്സ്യ കുഞ്ഞുങ്ങളുണ്ട്.

അവയിൽ നിന്നെല്ലാം വ്യത്യസ്ഥരായി

നമ്മെ മാറ്റി നിർത്തിയതാരാവും,..

ഉരിയാടാൻ അധരങ്ങളില്ല,

അന്യോന്യം നോക്കിനിൽക്കാൻ 

നയനങ്ങളില്ല,.

എന്നിട്ടും ഇത്രയും

വർണ്ണ മനോഹരമായി

നമുക്കിടയിൽ പ്രണയം പടർത്തിയത് 

നമ്മുടെ സാമ്യതകൾ തന്നെയാണ്,..

അതെ സാമ്യതകൾ തന്നെയാണ്..

കാലം മറനീക്കും വരെ

പരസ്പരം ഉരിയാടാതെ 

ഒന്നും പങ്കുവെക്കാതെ 

നിന്നെ എനിക്കും,

നിനക്കു ഞാനും 

പ്രിയപ്പെട്ടതാണെന്ന ധാരണയിൽ 

നമുക്കാ ഉപ്പുജല കവജത്തിനുള്ളിൽ

പവിഴപ്പുറ്റുകളാൽ തീർത്ത 

കുടിലിനുള്ളിൽ

അലിയും വരെ ചേർന്നിരിക്കാം..

     #അകൽമഷ